![][][§¤°^°¤§][ منتديات غزل][§¤°^°¤§][][](https://2img.net/s/t/13/28/75/i_logo.gif){kind=logo}
من طرف ســــهم وصـــــابـــنى
أبدأ كلامي واقول
جاني الهوى ف ليله
وأنا كنت دايما اقول
قلبي مالوش حيلة
إلا ورماني الهوى
بسهمه اللي وراني
أجمل قدود شوفتها
مهره بجد أصيلة
وندهلي بحب وسمعته
وبكلمة حلوه وجاوبته
قاللي سلام لك ياغالي
ياأغلى حب أنا صادفته
قاللي افتح القلب لحبي
وفتحت قلبي ودخَّلته
سألني مره وسألته
وجاوبني برضه وجاوبته
قاللي بصراحه حبيت حد
أنا قلت قبلك ماعرفته
أنا كنت عايش ف الأحلام
وعمر حلمي ماحققته
سألته فيه غيري حبك
و حد قبلي شاف قدك
قاللي لاقبلك ولا بعدك
أصلي أنا سهم وقاصدك
وانت كمان سهم وصابني
مكتوب عليا ومكتوب لك
أنا قلت قرب واحكيلي
وياريت تكون انت دليلي
قاللي ح أكون لك نجم الليل
وانت كمان قمري ف ليلي
أنا قلت ياأعز الأحباب
ياأغلى م الناس والأصحاب
برضايا راح اسلم قلبي
وتعالى و اسمع مواويلي
وفرشنا بالحب طريقنا
وقلوبنا ترسم أحلامنا
أنا قلت الله ع الدنيا
لما القلوب تهوى ف ثانيه
والحب يملا قلوبنا صفاه
ونبقى وياه حاجه تانيه
